Idara ya kilimo ina jukumu la kuhamasisha uzingatiaji wa kanuni za kilimo bora, utumiaji sahihi wa pembejeo za kilimo, kutoa elimu ya hifadhi ya chakula pamoja na kuhakikisha wakulima wanaunganishwa na masoko ya mazao yao bila kulanguliwa. Idara hii pia husimamia miradi mbalimbali ya maendeleo inayohusu umwagiliaji, ushirika pamoja na matumizi endelevu ya rasilimali za kilimo na miundombinu yake. Wilaya ya Simanjiro ina jumla ya eneo la kilimo lipatalo ekari 446,000 na eneo linalotumika ni 244,000 kwa mazao ya chakula na biashara. Kati ya ekari zinazolimwa, ekari 26,375 zinafaa kwa kilimo cha umwagiliaji na zinazotumika hadi sasa ni ekari 7,725. Mazao yanayolimwa ni yale ya mboga mboga na nafaka kama mpunga, mahindi na maharage.
Wilaya ina miradi mikubwa ya umwagiliaji inayofadhiliwa na JICA kwa kushirikiana na serikali ya Tanzania ambayo inagharimu kiasi cha Tsh. 1.8bil. mchanganuo wa miradi hiyo katika skimu za Ngage, Lemkuna na kambi ya Chokaa ni kama inavyooneshwa kwenye jedwali hapa chini.
Jedwali namba 3. Miradi ya Umwagiliaji Ngage, Lemkuna na Kambi ya Chokaa
S/N
JINA LA MRADI
UTEKELEZAJI
FEDHA ILIYOIDHINISHWA
FEDHA ILIYOTUMIKA
MAONI
1
Skimu ya umwagiliaji Ngage
Mfereji Mkuu umesakafiwa urefu wa meta 3600 sawa na asilimia 90
Zege limemiminwa katika mfereji Mkuu urefu wa meta 3800
vigawa maji 8 vimejengwa
vivuko 2 vimejengwa
Kwa ujumla kazi imefikia asilimia 88
Tshs. 698,000,000/=
Tshs. 519,840,000/=
Mvua zilizokuwa zikinyesha zimekuwa zikizuia ujenzi wa mradi
2
Skimu ya umwagiliaji Lemkuna
Mfereji wa kati umesafishwa kwa urefu wa meta 1,250 kati ya meta 2,800
Zege limemiminwa na kujengwa kwa urefu wa meta 470
Kwa ujumla kazi imefikia kiasi cha asilimia 11.5
Tshs. 569,000,000/=
Tshs. 66,338,376/=
Kasi ya mkandarasi kutekeleza mradi ni ndogo sana ikilinganishwa na muda uliobaki. Kikao cha Site Meeting kilichofanyika tarehe 11/04/2018 kimemtaka mkandarasi kuongeza kasi ya ujenzi na kuwa hakutakuwa na muda mwingine wa kumuongezea kukamilisha kazi Mei 2018
3
Skimu ya Umwagiliaji Kambi ya Chokaa
Mabomba ya zege yamejengwa na kulazwa katika mfereji kwa asilimia 55.9
Mfereji mkuu umechimbwa kwa urefu wa meta 40
Kwa ujumla kazi iliyofanyika ni sawa na asilimia 30.9
Tshs. 629,000,000/=
Tshs. 86,010,185/=
Utekelezaji wa mradi umekuwa na changamoto kubwa ya muelekeo wa mfereji. Wananchi wanalalamika kuwa njia ya sasa haitawanufaisha kwani mfereji unaambaa na mto. Wanataka usanifu ufanyike upya ili muelekeo wa mfereji ubadilishwe ili uweze kumwagilia maeneo yenye mashamba mengi.
Katika kipindi cha mwaka 2017/18 baada ya kuona hatua za ufanisi wa mradi wa skimu ya Ngage, wafadhili wa miradi hii yaani JICA wameamua kuongeza kiasi cha fedha kuboresha zaidi skimu hii na tayari zabuni zimeshatangazwa na ofisi ya kamishna wa Tume ya Umwagiliaji kanda ya kati kwenye gazeti la Dailynews la tarehe 12 Aprili 2018.
